غذا سے صحت کی جانب نوٹس

___________________________________

تعلیمی وسائل –PPT

___________________________________

مشقی سوالات و جوابات

(1) خالی جگہ پر کیجیے۔
(1) غذائی اشیا سے ہمارے جسم کو ملنے والے مفید اجزا کو غذائی اجزا کہتے ہیں۔
(2) نشاستہ دار اشیا کو کاربوہائیڈریٹس کہتے ہیں۔
(3) جسم میں تیار ہونے والے لیکن جسم کے لیے غیر ضروری مادوں کو باہر خارج کرنے میں پانی مدد کرتا ہے۔
(4) جسم کی نشوونما اور مرمت کے لیے پروٹین ضروری ہے۔
(5) وٹامن (حیاتین) جسم کی قوت مدافعت میں اضافہ کرتے ہیں۔

(2) جوڑیاں لگائیے۔

(3) آپ کو ایک محلول دیا گیا ہے۔ یہ آپ کیسے ثابت کریں گے کہ وہ آیوڈین کا محلول ہے؟
جواب: اگر ہمیں دیا گیا محلول جانچنا ہو کہ وہ آیوڈین ہے یا نہیں، تو ہم نشاستے (Starch) کا ٹیسٹ کریں گے۔ ہم کسی نشاستہ دار چیز (جیسے آلو کا کٹا ہوا ٹکڑا، اُبلے ہوئے چاول یا روٹی کا ٹکڑا) پر اس محلول کے دو قطرے ڈالیں گے۔ اگر اس چیز کا رنگ نیلا یا گہرا نیلا ہو جائے تو یہ ثابت ہو جائے گا کہ دیا گیا محلول آیوڈین کا ہی ہے، کیونکہ آیوڈین نشاستے کے ساتھ مل کر نیلا رنگ دیتا ہے۔

(4) سیما ہمیشہ نوڈلز، بسکٹ، پاؤ کھاتی ہے۔ اسے ہری سبزیاں، پھل اور دودھ بالکل پسند نہیں۔ اب اسے پیٹ درد اور قبض کی شکایت ہو رہی ہے۔ اسے اپنی غذا میں کیا تبدیلیاں کرنی چاہئیں تاکہ اس کی تکلیف کم ہو جائے؟
جواب: سیما کو قبض اور پیٹ درد سے نجات حاصل کرنے کے لیے اپنی روزمرہ کی غذا میں درج ذیل تبدیلیاں کرنی چاہئیں:
• ریشہ دار اشیا کا استعمال: اپنی غذا میں ہری ترکاریاں، کچی سبزیوں کے سلاد اور موسمی پھل شامل کرے، کیونکہ ریشہ دار اجزا نظامِ ہاضمہ کو درست رکھتے ہیں اور فضلہ خارج کرنے کے عمل کو آسان بناتے ہیں۔
• پانی اور مشروبات کی مقدار: دن بھر میں مناسب مقدار میں پانی پیے اور چھاچھ یا لیمبو پانی جیسے قدرتی مشروبات استعمال کرے۔
• متوازن اور مقوی غذا: نوڈلز، بسکٹ اور پاؤ جیسی بازاری اشیا بند کر کے موٹا اناج (جیسے جوار، باجرے کی روٹی، دلیہ)، دالیں اور دودھ کو اپنی روزانہ کی خوراک کا حصہ بنائے۔

(5) میں کون ہوں، پہچانیے:-
(1) میں جسم کو بیماریوں سے لڑنے کی طاقت دیتا ہوں پھل، سبزیاں میرا گھر ہے
جواب: وٹامن / حیاتین (اور معدنیات)

(2) میں پیٹ صاف رکھتا ہوں ہری سبزیوں اور پھلوں کے چھلکوں میں ہوتا ہوں
جواب: ریشہ دار اشیا (Dietary Fiber)

(3) میں توانائی کا اہم ذریعہ ہوں روٹی، چاول، چپاتی میں رہتا ہوں
جواب: کاربوہائیڈریٹس / نشاستہ

(6) آلو کا استعمال کر کے کون کون سے پکوان بنائے جا سکتے ہیں؟ فہرست بنائیے۔
جواب: آلو کو مختلف طریقوں یعنی اُبال کر، تل کر، بھون کر اور پکا کر درج ذیل پکوان تیار کیے جا سکتے ہیں:
• آلو کے پراٹھے
• آلو کی بھاجی / سبزی
• آلو کے پکوڑے (بٹاتا وڑا)
• آلو کے چپس اور ویفرز
• آلو کے سموسے اور پیٹس
• مسالہ ڈوسے کا آلو کا مسالہ
• آلو کی ٹکی اور کٹلیٹ
• دم آلو اور آلو مٹر کا سالن

(7) بتائیے کیا ہوگا:۔
(1) کھانا بار بار گرم کیا جائے۔
جواب: کھانا بار بار گرم کرنے سے اس میں موجود غذائی اجزا اور وٹامنز ضائع ہو جاتے ہیں، کھانے کا قدرتی ذائقہ ختم ہو جاتا ہے اور ہاضمے کی خرابی کا خطرہ پیدا ہوتا ہے۔

(2) سبزیوں کے چھلکے اتار کر استعمال کیا جائے۔
جواب: سبزیوں کے چھلکوں میں کثیر مقدار میں ریشہ دار مادے (فائبر) اور حیاتین پائی جاتی ہیں۔ چھلکے اتار دینے سے یہ ضروری غذائی اجزا ضائع ہو جاتے ہیں اور جسم کو پوری غذائیت نہیں مل پاتی۔

(3) پتے والی سبزیاں پہلے کاٹی اور پھر دھوئی جائیں۔
جواب: پتے والی سبزیوں کو کاٹنے کے بعد دھونے سے ان میں موجود پانی میں حل پذیر وٹامنز اور معدنی نمکیات پانی کے ساتھ بہہ کر ضائع ہو جاتے ہیں۔

(4) سبزیاں بہت دیر تک پکائی جائیں۔
جواب: سبزیوں کو ضرورت سے زیادہ دیر تک پکانے سے حرارت کی وجہ سے ان کے نازک وٹامنز (خاص طور پر وٹامن ’سی‘) تلف ہو جاتے ہیں اور سبزیوں کی اصل غذائی اہمیت کم ہو جاتی ہے۔

(5) سبزیوں کا اُبلا ہوا پانی پھینک دیا جائے۔
جواب: اُبلتے وقت سبزیوں کے بہت سے مفید غذائی اجزا، معدنیات اور وٹامنز پانی میں تحلیل ہو جاتے ہیں، اس لیے وہ پانی پھینک دینے سے قیمتی غذائی اجزا ضائع ہو جاتے ہیں۔

___________________________________

کوئز   —Quiz

"کیا آپ نے سبق سمجھ لیا ہے؟ چلیں ایک کوئز دے کر چیک کرتے ہیں۔”